Sevda Hidayat Akhundova

Xülasə. Məqalədə sosial-iqtisadi amillər fonunda erkən nikah və narkotik asılılığının qarşılıqlı əlaqəsi kompleks şəkildə təhlil edilmişdir. Tədqiqat çərçivəsində hər iki fenomenin formalaşmasına təsir göstərən əsas struktur determinantlar – aşağı gəlir səviyyəsi, işsizlik, təhsil imkanlarının məhdudluğu, gender bəra­bər­siz­liyi və sosial nəzarət mexanizmlərinin zəifləməsi – nəzəri və analitik müstəvidə araşdırılmışdır. Müəyyən edil­mişdir ki, erkən nikah və narkotik asılılığı bir çox hallarda eyni sosial-iqtisadi zəmin üzərində formalaşır və qarşılıqlı gücləndirici təsir mexanizminə malikdir. Erkən nikah nəticəsində yaranan psixoloji və sosial məh­dudiyyətlər narkotik maddələrə meyli artıran risk faktoru kimi çıxış edə bilər. Eyni zamanda, narkotik ası­lılığı ailə münasibətlərində qeyri-sabitlik yaradaraq erkən və düşünülməmiş nikah qərarlarına təsir göstərə bilər. Məqalədə səbəb–nəticə əlaqələri sistemləşdirilmiş və problemin həlli üçün kompleks sosial siyasət ya­naş­masının zəruriliyi əsaslandırılmışdır.

Açar sözlər: erkən nikah, narkotik asılılığı, sosial-iqtisadi amillər, deviant davranış, gender bərabərsizliyi