Yasin Babayev, Nigar Babayeva

Açar sözlər: didaktik fənd, zehin xəritəsi, əks əlaqə, öyrədən, öyrənən, metod, xəyal gücü, yaradıcı düşüncə

Yasin Nağı oğlu Babayev, Nigar Yasin qızı Babayeva

KİMYANIN ZEHİN XƏRİTƏSİ ÜSULU İLƏ TƏDRİSİNDƏ DİDAKTİK FƏNDLƏRDƏN İSTİFADƏ

Xülasə. Orta ümumtəhsil məktəblərində kimyanın zehin xəritəsi üsulu ilə tədrisində didaktik fəndlərdən istifadə məsələləri araşdırılmışdır. Göstərilmişdir ki, 6 bənddən ibarət olan didaktik fəndlərin içərisində ən əhəmiyyətlisi və bütün fənlərin tədrisində tətbiq oluna biləni dərsdə problem situasiyanın yaradılması və dərsin gedişinin problemin həllinə yönəldilməsidir. Fənnin səciyyəvi xüsusiyyətlərinə görə kimyanın tədrisində problem vəziyyəti yaratmaq və yerindəcə aparılan təcrübi işlərlə problemi (çətinliyi) aradan qaldırmaq üçün geniş imkanlar vardır. Qeyd olunmuşdur ki, kimyadan təcrübi məşğələlərin aparılması zamanı yaranan problem situasiyanın konkret kimyəvi reaksiyaların nəticələri əsasında aradan qaldırılması və həqiqətin prak- tiki olaraq öz təsdiqini tapması şagirdlərin kimyaya, təcrübi tədqiqatların aparılmasına marağını, yaradıcı düşüncəsini, çətinlikləri aradan qaldırma qabiliyyətini artırır.

Müəyyən edilmisdir ki, kimya təlimində zehin xəritəsi üsulunun tətbiqi didaktik fəndlərdən səmərəli istifadə üçün geniş imkanlar açır.