Əliyənnağı Məhərrəmov

Açar sözlər: təlim, tərbiyə, təfəkkür, dünyagörüşü, ekoloji tərbiyə, estetik tərbiyə, vətənpərvərlik tərbiyəsi, şəxsiyyətyönümlülük, tərbiyəedici

Əliyənnağı Məhəmmədtağı oğlu Məhərrəmov

BİOLOGİYA FƏNLƏRİNİN TƏDRİSİ ZAMANI MÖVZULARIN

TƏRBİYƏEDİCİ İMKANLARININ NƏZƏRƏ ALINMASI

Xülasə. Məqalədə əsaslandırılır ki, müasir dövrdə məktəblərimizin qarşısında duran əsas vəzifələrdən biri fənlərin (biologiya) tədrisi prosesində geniş savada, intellektə malik gənclər yetişdirməklə bərabər mənəvi cəhətdən mükəmməl, hərtərəfli inkişaf etmiş, yüksək mədəniyyətə malik şəxsiyyət formalaşdırmaqdır. Biologiya müəllimi hazırlığında hərtərəfli, düzgün tərbiyənin verilməsi, elmi dünyagörüşünün formalaşdırılması vacibdir. Göstərilir ki, biologiya təlimi prosesində hər bir müəllim şagirdlərə bilik verməklə yanaşı proqram əsasında tərbiyənin əsaslarını da çatdırmalıdır. Bütün tərbiyə növləri eyni zamanda aparılmalı və bir-birini tamamlamalıdır. Məqalədə biologiya fənləri şagirdlərə yurdumuzun fauna və florası haqqında bilik verməklə yanaşı, onları sevmək, qorumaq, vətənpərvərlik kimi hisslərin tərbiyə olunmasına geniş yer verilmişdir. Əsərdə xüsusi olaraq gəstərilir ki, mövzuya, onun mahiyyətinə müvafiq fəal təlim üsullarının düzgün seçilməsi təlimin tərbiyəedici vəzifəsinin səmərəliliyini artırır, onu daha da intensivləşdirir. Tədqiqatın əsası kimi göstərilir ki, biologiya müəllimi həm də tərbiyəçidir. Əsərdə biologiya müəlliminin tərbiyəçilik vəzifələri sistemləşdirilərək verilmişdir.