Novruz Musayev, Elşad Musayev

Açar sözlər: Qulaq, səs, membran, hüceyrə, kanal, eşitmə, funksiya

Novruz İsa oğlu Musayev, Elşad Novruz oğlu Musayev

DAXİLİ QULAQDA ENERJİ ÇEVRİLMƏSİ, SƏSİN ƏMƏLƏ GƏLMƏSİ

Xülasə. Məqalə qulaqda mexaniki rəqslərin (mexaniki enerjinin) elektrik siqnallarına (elektrik enerjisinə) çevrilməsinə həsr edilmişdir. Göstərilmişdir ki, səs rəqsləri daxili qulağın əsas membranı üzərində yerləşmiş korti orqanında baş verən fiziki proses nəticəsində həyata keçirilir. Belə ki, qulağa daxil olan mexaniki (səs) rəqslərinin təsiri ilə, əsas membran rəqsə gəlir (rəqs edir). Nəticədə əsas membran üzərində yerləşmiş eşitmə reseptorları rəqs edir və reseptorların ucunda yerləşmiş tükcüklər örtü lövhəsinə toxunur və bu tükcüklərdə pyezoelektrik effekti nəticəsində, elektrik siqnalları əmələ gəlir. Bu siqnallar səs sinir telləri vasitəsilə mərkəzi sinir sisteminə ötürülür, analiz edilir və uyğun səslər əmələ gəlir.