Yasin Cəfərov, Nərgiz Əhmədova, Aysel Zeynalova

Açar sözlər: elektiv kurslar, şagirdlərin idrak marağı, kimya insan həyatında, təfəkkürün inkişafı

Yasin İsa oğlu Cəfərov, Nərgiz Firudin qızı Əhmədova, Aysel Çingiz qızı Zeynalova

ŞAGİRDLƏRİN İDRAK MARAĞININ İNKİŞAFI ÜÇÜN “KİMYA İNSAN HƏYATINDA”

ELEKTİV KURSUNUN TƏŞKİLİ VƏ KEÇİRİLMƏSİNİN ƏHƏMİYYƏTİ

Xülasə. Məqalə orta məktəb şagirdlərinin kimya fənninə idrak marağının inkişafı üçün dəyərli olan Kimya insan həyatında‖ elektiv kursunun təşkili və keçirilməsi mərhələlərinə həsr olunmuşdur. Hal-hazırda orta məktəbdə ixtisas təhsilinin tətbiqi elektiv kurslar kimi tədris fəaliyyətinin formasına maraq oyadır. İxtisas hazırlığının bir hissəsi kimi kimya üzrə elektiv kurslar məktəb kimya təhsilinin tərkib hissəsi olaraq şagirdlərin ətrafında olan və onları əhatə edən yayılmış maddələr, onların insan həyatındakı rolu və gündəlik həyatda bu maddələrdən düzgün istifadə qaydaları ilə tanış edir. Kimya insan həyatında‖ elektiv kurs şagirdlərdə kimya fənninə qarşı marağın yaranması və artmasına, yaradıcı təfəkkürün inkişafına, kimyəvi eksperimentlərin aparılmasına, məktəblilərin düzgün ixtisas seçimini müəyyənləşdirməsi və kimyəvi baxımdan tanış olan maddələr haqqında məlumat toplamağına köməklik edir. Bu kurs şagirdlərin əldə etdikləri biliklərin gündəlik həyatda istifadələrində, kimya ilə bağlı peşəyə

yiyələnmələrində böyük tərbiyəvi təsirə malikdir.