Əsmət İsmayılxanova

Açar sözlər: pedaqoji təcrübə, səriştə, peşəkarlıq, metodika, adaptasiya, ünsiyyət, demokratiya, pedaqoji proses, korreksiya, nəzarət

Əsmət İdris qızı İsmayılxanova

TƏCRÜBƏÇİ TƏLƏBƏLƏRİN PEŞƏKAR MÜƏLLİM KİMİ FORMALAŞMASINDA PEDAQOJİ TƏCRÜBƏNİN ROLU

Xülasə. Müəllif yazmış olduğu məqaləsində təcrübəçi tələbələrin peşəkar müəllim kimi formalaşmasında pedaqoji təcrübənin rolu haqqında ətraflı məlumat vermişdir.

O, qeyd edir ki, səriştəli, peşəkar müəllim hazırlığında pedaqoji təcrübənin çox əhəmiyyətli rolu vardır. Müəllimlik sənətində bir çox praktik bacarıqlar və vərdişlərə yiyələnmək üçün pedaqoji təcrübə ilk təcrübə məktəbi olmaqla əsil sınaq meydanıdır. Burada əsas məqsəd bütün imkanlardan bacarıqla yararlanmaq və eyni zamanda yüksək təcrübə toplamaqdır.

Pedaqoji təcrübənin əsas funksiyalarından bəhs edən müəllif ilk öncə pedaqoji təcrübənin təhsilləndirici, tərbiyəedici və inkişafedici funksiyalarını qeyd etmişdir. Bu funksiyaların meydana çıxmasında pedaqoji təcrübədə nəzəriyyə ilə təcrübənin əlaqəsini, nəzarəti, korreksiyaediciliyi, pedaqoji əməkdaşlığı və ünsiyyəti göstərmişdir.

Daha sonra müəllif bu proseslərin digər funksiyaların meydana çıxmasına səbəb olduğunu qeyd etmişdir ki, bunlara nəzəriyyə ilə təcrübənin əlaqələndirilməsi, nəzarət və korreksiyaedici, adaptasiyaedici funksiyalardır.