Aytən Daşdəmirova

Açar sözlər: pedaqoji dəyərlər, fəaliyyət, struktur, müəllim modeli, özünüaktuallaşdırma.

Aytən Təmraz qızı Daşdəmirova

MÜƏLLİMİN PEŞƏ FƏALİYYƏTİNDƏ PEDAQOJİ DƏYƏRLƏRİN YERİ VƏ ROLU

Xülasə. Pedaqoji dəyərlər özünün mahiyyət və məzmununa görə müəllimin peşə fəaliyyətində önəmli rol oynayır. Bu dəyərlər müəllim fəaliyyətini nizama salır və onu daha məhsuldar edir. Həmçinin pedaqoji fəaliyyətin məzmun və məqsədinin reallaşmasına əsaslı təsir göstərir. Yetər ki, müəllim bu dəyərləri mənimsəmiş olsun və fəaliyyətində onları reallaşdıra bilsin.

Pedaqoji dəyərlərin formalaşdırılması onun yerinin və rolunun düzgün müəyyənləşdirilməsindən və müəllimlərin onu öz fəaliyyətlərində səmərəli tətbiq etmələrindən çox asılıdır. Məqalədə bu sahədə aparılmış bir çox tədqiqatlara nəzər yetirilmiş, pedaqoji dəyərlərin yeri və roluna dair tədqiqatlar araşdırılmış və bu dəyərlərin məzmununa münasibət bildirilmişdir.