Oqtay Abbasov, Günay Zalova

Açar sözlər: qiymətləndirmə, müasir qiymətləndirmə, ənənəvi qiymətləndirmə

Oqtay Allahverən oğlu Abbasov, Günay Elşad qızı Zalova

ƏNƏNƏVİ VƏ MÜASİR QİYMƏTLƏNDİRMƏ SİSTEMİ

Xülasə. Məqalədə toxunduğumuz mövzu müasir və ənənəvi təhsil sistemlərin fərqlərini özündə birləşdirir. Belə ki, ənənəvi, yoxsa müasir təhsil sistemi daha faydalıdır deyə sual qoysaq, cavabında müasir təhsil sistemini seçmiş olarıq. Səbəb olaraq qeyd edə bilərik ki, ənənəvi təhsil sistemindən fərqli olaraq, müasir Bolonya sisteminə keçid bizlərin dünya ölkələrində fəaliyyət göstərən universitetlərə çıxışımızı müqayisəolunmaz dərəcədə asanlaşdırdı. Bolonya sisteminə keçid, həmçinin tələbələrə bütün 2 və ya 4 illik təhsili tam olaraq xarici ölkədə alma imkanı olmayan tələbələrin 1-2 semestr kimi qısa müddət üçün də dünya ölkələrində olan ali təhsil ocaqlarına keçidinə imkan yaratdı. Nəzərə almalıyıq ki, bu gün universitetlərimizdə kifayət qədər xarici təhsilli müəllimlər fəaliyyət göstərir və bu da zamanla ölkəmizin təhsil səviyyəsinin dünya təhsil səviyyəsinə çatmasına vəsilə olacaqdır.