Hümeyir Hüseyn oğlu Əhmədov, Lalə Akif qızı Məmmədli, Pərvin Cavanşir qızı Əlizadə

AZƏRBAYCAN RESPUBLİKASININ KONSTİTUSİYASINDAN TƏLİM-TƏRBİYƏ PROSESİNDƏ İSTİFADƏNİN İMKANLARI

Xülasə. Məqalə Azərbaycan Respublikasının Konstitusiyasında yer alan demokratik prinsipləri, insan haq­larını və milli dəyərləri təhsil proqramına daxil etməklə təhsil prosesinin təkmilləşdirilməsi mövzusunu təh­lil edir. Onun müddəalarının şagirdlərə hüquq və vəzifələrini öyrətmək, vətəndaş fəallığını və hüquqi şüu­ru inkişaf etdirmək məqsədilə tədrisinin mümkünlüyü qeyd edilir. Konstitusiyanın müxtəlif fənlərə inteq­ra­si­ya­sı tənqidi təfəkkürə təkan verir və şagirdlərin idarəetmə və qanunun aliliyi anlayışını gücləndirir. Bundan əla­və, təhsildə Konstitusiyadan istifadə gələcək vətəndaşlara demokratik cəmiyyətin inkişafına fəal töhfə ver­mək, onların dövlət quruculuğu prosesində fəal iştirakını təmin etmək imkanları yaradır. Məqalədə şa­gird­lə­rin sosial və hüquqi şüurunun formalaşmasında konstitusiya təhsilinin effektivliyini qiymətləndirmək üçün məz­mun təhlili, nümunə tədqiqatları və pedaqoji metodlar əsasında keyfiyyətli yanaşmadan istifadə edil­miş­dir.

Açar sözlər: konstitusiya, suverenlik, dövlət rəmzləri, təhsil, vətəndaşlıq hüququ