Solmaz Həsənli

Açar sözlər: mobbinq, qurumlar, mobbinq davranışları, iş yerində psixoloji təzyiq

Solmaz Qüdrət qızı Həsənli

QURUMLARDA MOBBİNQ HESAB EDİLƏN DAVRANIŞLAR

Xülasə. Mobbinq – rastlaşdığı mənfi münasibət və haqsızlıqlar qarşısında çarəsiz qalan insan tərəfindən müdaxilə edilməsi və qarşısının alınması çətin bir prosesdir. Daha çox tibb, təhsil və özəl sektor sahələrində müşahidə edilən mobbinq, insanın əmək fəaliyyətinin səmərəsini aşağı salır, sosial həyatına mənfi təsir göstərir, psixoloji və fizioloji sağlamlığına təhlükə yaradır. Günümüzdə işsizlik probleminin artdığı bir zamanda buna bağlı olaraq mobbinqə məruz qalanların sayının da artması elmi araşdırmalarla isbat olunmuşdur. Məqalədə günümüzün əsas sosial-psixoloji problemlərindən olan mobbinq hesab edilə biləcək davranışlar təhlil olunmuş, bu davranışların əsas cəhətləri və təsnifatı analiz edilmişdir.