Leyla Əhmədova

Açar sözlər: ümumtəhsil məktəbi, təhsil, keyfiyyət, şagird, direktor müavini, idarəetmə, monitorinq, təkmilləşmə, dərs planı, standart

Leyla Tahir qızı Əhmədova

ÜMUMTƏHSİL MƏKTƏBLƏRİNDƏ TƏHSİLİN KEYFİYYƏTİNİN İDARƏOLUNMASINDA DİREKTOR MÜAVİNİNİN ROLU

Xülasə. İstənilən sahədə keyfiyyət anlayışı müəyyən olunmuş standartlara uyğunluğu ifadə edir. Obyektin və ya sistemin halını xarakterizə edən parametrlər standarta nə qədər yaxındırsa, keyfiyyət də bir o qədər yüksək hesab olunur. Təhsildə də belədir. Təhsilin keyfiyyəti əldə olunan nəticələrin əvvəlcədən müəyyən olunmuş meyarlara (standartlara) nisbəti ilə müəyyən olunur. Təhsilin keyfiyyətinin müəyyənləşdirilməsində əsas göstərici şagirdin təlim nəticələrinin obyektiv qiymətləndirilməsi keyfiyyəti uzə çıxaran etibarlı mənbə hesab olunur. Beləliklə, təhsildə keyfiyyətin müəyyən olunması şagird nailiyyətlərinin obyektiv qiymətləndiril- məsi ilə şərtlənir. Lakin şagirdin təlim nəticələri təhsil sahəsində baş verən bütün fəaliyyətlərin yekun nəticəsi kimi ortaya çıxdığından, şagirdin təlim nəticələrindən çıxış edərək müəllimin tədris fəaliyyəti, təhsil müəssisələrinin, təhsili idarəetmə strukturlarının və bütövlukdə ölkənin təhsil sisteminin fəaliyyətini də qiymətləndirmək mümkündur. Eyni zamanda, keyfiyyətin faktiki vəziyyətini müəyyənləşdirməklə kifayətlənməyib, onun yaxşılaşması və idarəolunması problemini də həll etmək olar. Azərbaycan Respublikasının ümumi təhsil sistemində belə qiymətləndirmə sistemi yaradılmaqdadır.