Gülnarə Əlixanova

Açar sözlər: özünüqiymətləndirmə, koqnitiv komponentlər, emosional komponentlər, pozitiv “mən” obrazı, korreksiya, özünüdərk

Gülnarə Həmzəbəyovna Əlixanova

MƏKTƏB TƏLİMİNİN ŞAGİRDDƏ ÖZÜNÜQİYMƏTLƏNDİRMƏNİN

İNKİŞAFINA PSİXOLOJİ TƏSİRİ

Xülasə. Məqalədə uşağın özünüqiymətləndirməsi, onun məktəb uğurunun müvəffəqiyyətində müstəsna əhəmiyyət kəsb etməsi problemi açıqlanır. Çətinliklərin aradan qaldırılması, uşağın öz həyat tərzi və münasibətlərində dəyişiklik etməsi işində ilk məktəb müəllimlərinin qarşısında çox mühüm vəzifələr durur. Uşağın özünüqiymətləndirməsi onun məktəb uğurununmüvəffəqiyyətində təzahür edir və şagirdin müvəffəqiyyət səviyyəsi onun özünüqiymətləndirməsində əks olunur. Son nəticədə şagirddə pozitiv ―mən konsepsiyasının inkişaf etdirilməsinin əsas məqsədi, uşağa özünə dəstək, daxili motivasiya və rəğbətləndirmə mənbəyinin təzahürü üçün köməklik etməkdə ifadə olunur. Məqalədə müəllimin qayğıkeş yanaşması bu problemin asanlıqla həll olunmasına müvafiq imkanlar yaratması məsələləri də müəyyənləşdirilir.