Arzu Cəfərova

Açar sözlər: yeniyetmə voleybolçular, fiziki tərbiyə, fiziki inkişaf, fiziki qabiliyyətlər, təfəkkür tərzi, təfəkkürün inkişafı, əməli təfəkkür, nəzəri təfəkkür, empirik təfəkkür 

Arzu Elşad qızı Cəfərova

YENİYETMƏ VOLEYBOLÇULARIN FİZİKİ QABİLİYYƏTLƏRİNİN FORMALAŞDIRILMASI ÜZRƏ İŞİN PSİXOLOJİ ƏSASLARI

Xülasə. Məqalə yeniyetmə voleybolçuların fiziki qabiliyyətlərinin formalaşdırılması işinin psixoloji əsaslarından və bu əsasların tətbiqi imkanlarından bəhs edir. Məqalədə göstərilir ki, yeniyetmə voleybolçuların fiziki qabiliyyətlərinin formalaşdırılması üçün nəzərə alınan psixoloji yanaşmalar mühüm əhəmiyyət kəsb edir. Bu zaman ilkin olaraq yeniyetmə voleybolçuların təfəkkür imkanlarının tənzimlənməsi nəzərdə tutulur.

Bu prosesdə təfəkkürün əyani-hərəki təfəkkür, sözlü-məntiqi təfəkkür, nəzəri təfəkkür, əməli təfəkkür, empirik təfəkkür, analitik (məntiqi) təfəkkür və intuitiv təfəkkür, realistik təfəkkür, autistik təfəkkür, əyani-surətli təfəkkür, eqoistik təfəkkür, produktiv ( məhsuldar) və reproduktiv təfəkkür kimi növlərindən istifadə edil- məsi faydalı sayılır.