Sona Əliyeva

Açar sözlər: ailə, münasibətlər, cəmiyyət, konflikt, ünsiyyət, ictimai

Sona İbrahim qızı Əliyeva

AZƏRBAYCAN AİLƏSİNDƏ QARŞILIQLI MÜNASİBƏTLƏRİN ETNOPSİXOLOJİ XÜSUSİYYƏTLƏRİ

Xülasə. Ailə ictimai – tarixi hadisədir. Ailə münasibətləri cəmiyyətdə bərqərar olmuş ictimai münasi- bətlərlə bilavasitə bağlıdır. Cəmiyyət dəyişdikcə, ailə də dəyişir və inkişaf edir. Ailə həyatının vektoru bila- vasitə ailə münasibətləri ilə şərtlənir. Onların araşdırılması ailə psixologiyasının önəmli problemi kimi diqqəti cəlb edir. Ailə həyatının sosial-psixoloji effektləri, hər şeydən öncə, ailə konfliktləri məhz ailə münasibətləri zəminində əmələ gəlir və inkişaf edir. Tarixi inkişafın bütün mərhələlərində ailə cəmiyyətin maddi həyat şəraiti ilə üzvi surətdə əlaqədar olmuşdur. Azərbaycan psixologiyasında ailə münasibətləri ailə həyatının başlıca problemi kimi dəyərləndirilir və müxtəlif aspektlərdə araşdırılır.