Somayyeh Soysal, Tural Mahmudov

MƏKTƏB İDARƏÇİLƏRİNİN EFFEKTİV LİDERLİK ÇƏRÇİVƏSİNDƏ ƏSAS XÜSUSİYYƏTLƏRİ

Xülasə. Bu araşdırmada müəllimlərin məktəb rəhbərlərinin effektiv liderlik davranışlarını necə qiymətləndirdiyi və bu fikirlərlə müəllimlərin cinsi, təhsil səviyyəsi və peşə təcrübəsi arasında əlaqə araşdırılmışdır. Tədqiqatda kəmiyyət metodlarından istifadə edilmiş, sorğuda 852 müəllim iştirak etmişdir. Anketlər vasitəsilə toplanmış məlumatlar SPSS proqramında təhlil edilmişdir. Nəticələr müəllimlərin məktəb rəhbərlərinin yüksək səviyyədə effektiv liderlik davranışları nümayiş etdirdiyinə inandıqlarını göstərir. Araşdırmanın nəticəsində belə qənaətə gəlinmişdir ki, müəllimlərin məktəb direktorlarının effektiv liderlik davranışları haqqında fikirləri onların cinsinə və təhsil səviyyəsinə görə fərqlənməsə də, daha az peşəkar təcrübəsi olan müəllimlər məktəb direktorlarının effektiv liderlik davranışlarını daha müsbət qəbul edirlər.

Açar sözlər: müəllim, məktəb rəhbəri, təhsil, effektiv liderlik, peşəkar təcrübə.