Təranə Əkbəri

ERMƏNİSTANIN AZƏRBAYCANA QARŞI EKOLOJİ TERRORU

Xülasə. 1988-ci ildən Ermənistanın Azərbaycana qarşı ərazi iddiasını reallaşdırmaq məqsədilə apar­dı­ğı müharibə nəticəsində Azərbaycan torpaqlarının 20%-i işğal edilmişdi. Uzun sürən işğaldan sonra 44 gün da­vam edən Vətən müharibəsi və 24 saatlıq lokal antiterror əməliyyatları zamanı 30 ilə yaxın düşmən tap­da­ğında qalan torpaqlarımızı rəşadətli Ordumuz tərəfindən azad edilmişdir. Lakin düşmən işğaldan azad et­di­yi­miz ərazilərdə özlərindən geriyə xarabalıqlar və ekoloji fəlakət qoyub gedib. Ermənistan 30 ilə yaxın bir müd­dətdə şüurlu surətdə təbiətimizi məhv etməyə çalışmış, Azərbaycana qarşı ekoloji terror həyata keçirmiş, işğal edilmiş ərazilərimiz də daxil olmaqla, təbii resursları kortəbii şəkildə istismar etmiş, istehsal tullantıları ilə içməli su hövzələrini çirkləndirmiş və ətraf mühitin ekoloji tarazlığını pozmuşdur. İşğal dövründə düşmən tor­paqlarımızda, meşələrimizdə, milli parklarımızda, qoruqlarımızda böyük vandalizm aktları törədib, qiy­mət­li ağaclar və digər nadir biomüxtəliflik nümunələri işğalçı qüvvələr tərəfindən məhv edilib.

Azərbaycanın içməli su mənbəyini təşkil edən çaylar Ermənistan ərazisindən axan kimyəvi, bioloji və digər radioaktiv tullantılarla çirkləndirilmişdir. İllər keçdikcə işğal olunmuş ərazilərdən axan su mənbələrinin çirk­lənməsi qiymətli balıq növlərinin itirilməsinə və balıq ehtiyatlarının tükənməsinə səbəb olub. Azər­bay­ca­nın işğaldan azad olunmuş ərazilərində ekoloji əhəmiyyətə malik 7 relikt göl və 10 su anbarı işğalçı Er­mə­nis­tan tərəfindən ciddi antropogen təsirə məruz qalmışdır.

Açar sözlər: ekoloji terror, erməni vandalları, işğaldan azad edilmiş ərazilər, Azərbaycan Respublikasının Qırmızı Kitabı, biomüxtəliflik, Ermənistan, ətraf mühit