İradə Böyükağa qızı Əmirəliyeva 1967-ci ildə Quba şəhərində anadan olmuşdur. 1984-1989-cu illərdə S.M. Kirov adına Azərbaycan Dövlət Universitetinin mexanika-riyaziyyat fakültəsində təhsil almış, 2003-cü ildə Azərbaycan Müəllimlər İnstitutunun yenidənhazırlanma təhsilinin psixologiya ixtisası üzrə tam kursunu bitirmişdir.

2010-cu ildən Azərbaycan Respublikasının Təhsil Problemləri İnstitutunun Ali və orta ixtisas təhsilinin nəzəri problemləri (sonralar Müəllim hazırlığı kurikulumu) şöbəsində böyük elmi işçi vəzifəsində çalışmağa başlayıb. Hazırda Azərbaycan Respublikasının Təhsil İnstitutunun Elmi katibliyində aparıcı elmi işçi vəzifəsində çalışır.

İ.B. Əmirəliyeva 2015-ci ildə “Ali məktəb tələbələrində tolerantlığın formalaşdırılması” mövzusunda dissertasiya müdafiə edərək fəlsəfə doktoru elmi dərəcəsi almışdır.

Tələbələrin mənəvi tərbiyəsi, təlim prosesinin optimallaşdırılması, gənclərdə tolerantlığın formalaşdırılması, ilkin müəllim hazırlığı sahəsində səmərəli tədqiqatlar aparır. “Ali məktəb tələbələrində tolerantlığın formalaşdırılması” adlı monoqrafiyanın,  “Pedaqoji fikir tarixindən” adlı dərs vəsaitinin və eyni adlı tədris proqramının müəllifi, “Pedaqogika nəzəriyyəsi və tarixi” dərsliyinin həmmüəlliflərindən biridir.

70 dən çox elmi məqaləsi və konfrans materialı çap olunmuşdur.

İ.B. Əmirəliyeva tədqiq etdiyi problemlərlə əlaqədar bir sıra respublika və beynəlxalq elmi konfranslarda məruzələrlə çıxış etmiş, ali təhsilimiz, ali məktəbdə tərbiyə prosesinin təkmilləşdirilməsi ilə bağlı faydalı təkliflər irəli sürmüşdür.

İ.B. Əmirəliyeva institutun ictimai həyatında, tədqiqat işlərinin və dissertasiyaların müzakirələrində yaxından iştirak edir.