Firədun İbrahimov, Vüqar Abdurahmanov

ANALİTİK VƏ EVRİSTİK FƏALİYYƏT NÖVLƏRİNİN OPTİMAL MÜNASİBƏTLƏRİNİ ÖZÜNDƏ EHTİVA EDƏN TƏLİM SİSTEMİNİN FORMALAŞDIRILMASI YOLLARI

Xülasə. Məqalədə bildirilir ki, svilizasiyanın tələblərinə uyğun formalaşmış məkanda təhsilin həyata keçirilmə yolu kimi dərk olunan təlimin müxtəlif modelləri(formaları) adekvat təlim mühitini şərtləndirir, bu mühitdə qarşıya qoyulmuş məqsədin təhsilalan tərəfindən idrak tələbatının təmin olunma obyekti kimi dərk edilməsi seçilmiş təşkilat formasında əhatə olunan zaman kəsiyi üzrə onun davamlı-fəal öyrənmə fəaliyyətinin mövcudluğu üçün zəruridir. Tədqiqat işində şagirdmərkəzli təhsilalma formalarından biri kimi dərk olunan “Analitik və evristik fəaliyyət novlərinin optimal münasibətlərini özündə ehtiva edən təlim sisteminin formalaşdırılması yolları” arqumentləşdirilir və həmin yolların elmi-pedaqoji və psixoloji aspektdən interpretasiyası verilir.

Açar sözlər: təhsil məkanı; təlim mühiti; təlim nəticələri; qiymətləndirmə meyarları; SMART planlama texnikası; affektiv xüsusiyyətlər; emosional zəka; diferensasiya və fərdiləşdirmə, təhsilalan (şagird) mərkəzli təlim; daxili və xarici motivasiya; zehni inkişaf mərhələləri; açıq və qapalı düşüncə tərzləri.