Firidə Mustafayeva

ŞAGİRDLƏRİN RİYAZİ NİTQİNİ İNKİŞAF ETDİRİLMƏSİNDƏ İNKİŞAFETDİRİCİ ÇALIŞMALARDAN İSTİFADƏ YOLLARI

Xülasə. İnsan təbiətdən lazım olanları almaq üçün müəyyən zəruri bilik, bacarıq və vərdişlərə yiyələnməlidir. Bunun üçün məktəb, təhsil, təlim anlayışları yaranmış və hər birinin məzmunu və vəzifələri müəyyənləşdirilmişdir.

Riyaziyyatdan inkişafetdirici çalışmalar dedikdə aşağıdakılar nəzərdə tutulur: şagird bu məsələləri həll edərkən müşahidə, müqayisə aparmalı, müstəqil nəticə çıxartmalı, həllin mümkün üsullarını tapmağı, öz fikrini əsaslandırmağı, müəyyən qanunauyğunluğu aşkar etməyi bacarmalıdır. İbtidai siniflərin riyaziyyat təlimində oyunların, əyləncəli, maraqlı, məntiqi məsələlərin həlli prosesində şagirdlərin nitqini inkişaf etdirmək üçün imkanlar çoxdur. Məqalədə riyaziyyat təlimində riyazi nitqin inkişaf etdirilməsində inkişafetdirici çalışmalardan istifadə yolları geniş araşdırılmışdır.

Açar sözlər: inkişafetdirici çalışmalar, riyaziyyat təlimi, məntiq, təfəkkür, nitq, hesab əməlləri