Sahilə Orucova

İNKLÜZİV TƏHSİLİN BƏZİ SOSİAL-PSİXOLOJİ CƏHƏTLƏRİ

Xülasə. İnklüziv təhsil insanlar arasında fərq qoyulmadan keyfiyyətli təhsilə bərabər çıxışı nəzərdə tu­tur. Məhz təhsilin bu növü əlilliyi olan insanlara sağlam həmyaşıdları kimi bərabər inkişaf imkanlarını təmin edə bilir. İnklüziv təhsil əlliliyi olan hər bir şəxsə maksimum uyğunlaşma və sosial mühitə tam inteqrasiya üçün zəruridir. İnklüziv təhsil insanların birlikdə öyrənməsini dəstəkləyən yeni demokratik təhsil ya­naş­ma­sı­dır. İnklüziv təhsil yalnız əlilliyi olan şagirdlərə aid deyil. O, fərqli ana dilində danışan, fərqli sosial-mədəni də­yərlərə malik, imkansız və xüsusi qayğıya ehtiyacı olan şagirdləri də əhatə etmək məqsədi daşıyır.

Açar sözlər: inklüziv təhsil, sosial-psixoloji aspektlər, sosial qavrayış, sağlam və əlilliyi olan şagirdlər.