Səyarə Cəfərova

KİÇİKYAŞLI MƏKTƏBLİ ŞƏXSİYYƏTİNİN MİLLİ-MƏNƏVİ DƏYƏRLƏRİNİN FORMALAŞMASINDA AİLƏNİN TƏSİR İMKANLARI

Xülasə. Şəxsiyyət və cəmiyyətin qarşılıqlı əlaqəsini, inteqrasiyasını və maraq və ehtiyaclarının priori­tet­ləşdirilməsini təmin edən əsas institutlardan biri də ailədir. Dəyər oriyentasiyalarının formalaşması üçün ilk və əsas sosial institut məhz ailədir. Müasir cəmiyyətdə gedən proseslərin təsiri altında mədəni inkişaf da­ha da sürətlənmiş, yeni informasiya texnologiyaları insan təfəkkürünü kökündən dəyişməyə başlamış, yeni iq­tisadi münasibətlər formalaşmağa başlamışdır. Bu proseslər öz növbəsində sosial münasibətlərin ən mü­hüm tərkib hissəsi olan ailəyə də öz təsirini göstərmişdir. Sosial sistemdə, ictimai əlaqələr sistemində baş verən dəyişikliklər ailə münasibətlərində, milli mənəvi dəyərlərdə də özünü göstərirdi. Müasir elmin aktual prob­lemləri bu problemlərə ailənin mənəvi əsaslarının möhkəmləndirilməsinin inkişafı baxımından baxıl­ma­sı­dır.

Açar sözlər: ailə, mənəvi tərbiyə, məktəb, milli-mənəvi dəyərlər, məktəbli şəxsiyyəti