Nübar Əhmədəli qızı İsazadə

DİSTANT TƏHSİL TEXNOLOGİYASI VƏ ONUN TƏTBİQİ XÜSUSİYYƏTLƏRİ

Xülasə. Təhsil sistemində istifadə olunan metodların inkişaf etdirilməsi ilə bərabər yüksək tex­no­lo­gi­ya­ların da inkişafı və tətbiqi distant təhsilin müasir dövrdə aktuallığını artırmışdır. Distant təhsil sayəsində za­man, məkan və maliyyə çatışmamazlıqları baxımından kifayət qədər uyğun şəraitdə təhsil ala bilmək im­kanı ola bilər. Distant təhsil – təhsil almaq istəyən şəxslə təhsil verənin coğrafi uzaqlıqda olduğu hal üçün is­ti­fadə olunan öyrənmə-öyrətmə (şagird-müəllim) sistemidir. Bu zaman müxtəlif informasiya vasitələri və qar­şılıqlı təsir kanallarından istifadə edilərək öyrənmək istəyənlə (şagird) öyrədən (müəllim) bir-biri ilə ün­siy­yət qurur. Təhsildə kitablar, nəşr olunmuş əlavə materiallar və əyani vasitələrdən istifadə edilə bildiyi kimi, video-audio disklər, elektron kitablar, kabel, peyk və s. İnteraktiv telekonfransların yaradılması da öy­rə­dici vasitə rolunu oynaya bilər. Dərs materialları bu zaman daha çox şagirdi əhatə edə bilər və öz sahəsində mü­təxəssis olan şəxs eyni zamanda daha çox sayda şagirdə dərs keçə bilər. Distant təhsil vasitəsilə şagird müəl­limin tərtib etdiyi proqramla deyil, öz imkanlarına uyğun və əlverişli olan proqramla işləyə bilər. Distant təhsil nəinki təhsil təşkilatlarına əlaqə texnologiyalarını əlavə edir, eyni zamanda müasir təhsil sis­te­mində bilik və informasiyanın çox sürətlə dəyişməsi səbəbiylə ömür boyu təhsilə çevrilir. Beləliklə, distant təh­sil ənənəvi təhsillə bərabər imkanları təmin edə bilər, bu da təhsilə demokratik xüsusiyyət qazandırır.

Açar sözlər: distant təhsil, keyfiyyət, inkişaf, müasir tədris, optimal yanaşma