Tamilə Oqtay qızı Həsənova

AZƏRBAYCANDA VƏTƏNPƏRVƏRLİYİN TARİXİ İNKİŞAFI VƏ ONUN FORMALAŞMASI YOLLARI

Xülasə. Məqalə vətənpərvərlik fenomeninin mənşəyi və fundamental əsaslarına, məqsədlərinə, dövlət və təhsil sisteminin qərarlarının, cəmiyyətin idarə edilməsinə həsr edilmişdir. Məqalədə Azərbaycan ərazisində qədim dövlətlər haqda mənbələrə əsaslanıb, Azərbaycan Xalq Cümhuriyyətinin və müasir Respublikanın sovetdən əvvəlki və sonrakı dövrünün maarifçi və ictimai xadimlərinin baxışları təqdim olunub. Vətənpərvərlik fenomeninin həmçinin, tarixi mənşəyi və kökləri açıqlanıb.

Vətənpərvərlik anlayışının tarix boyu formasiyaların dəyişməsindən asılılığı, siyasət və dövlətçilikdə yeri və rolu müəyyənləşdirilmişdir. Müasir ümumdünya ideоlоgiyası, siyasəti vətənpərvərlikdən təcrid olunduğu dövlət tapmaq çətindir. Bu zamanda belə nəticəyə gəlirik ki, vətənpərvərlik anlayışı ümumi bir çərçivədə aşılanmır, bir çox amillərin təsirindən qaynaqlanır və dəyişir. Lakin, onu başqa bir çirkin əməllər üçün istifadəsi də çox pis tarixi faciələrə gətirə bilir.

Açar sözlər: vətənpərvərlik, dövlətçilik, müasir gənclər, tarix, tarixi amil, milli mənəviyyat, milli şüur, mənbə