Vaqif Tahir oğlu Fətullayev

BEYNƏLXALQ İKİLİ DİPLOM PROQRAMLARININ TƏŞKİLİ

Xülasə. Müasir dövrdə universitetlər qlobal rəqabət şəraitində fərqlənmək üçün beynəlxalq tərəf­daş­lıq­ları genişləndirir, tələbə və professor-müəllim heyətinin mobilliyini təşviq edir, tədris proqramlarının bey­nəl­xalq tanınmasını gücləndirirlər. Bu məqsədlərə xidmət edən ikili diplom proqramları (İDP) tələbələrə fərq­li təhsil sistemlərində təcrübə qazanmaq, peşəkar əlaqələr qurmaq və iş imkanlarını artırmaq imkanı yara­dır. Həmçinin bu proqramlar universitetlərin maliyyə, marketinq və elmi-tədqiqat resurslarını səmərəli şə­kildə bölüşməsinə şərait yaradır. Məqalədə İDP-lərin dizaynı və idarə edilməsi üçün “WHEEL” (ÇARX) çər­çivəsi təqdim olunur. Bu çərçivə beynəlxalq əməkdaşlıq, proqram dizaynı, təcrübə mübadiləsi, tədris proq­ramlarının təkmilləşdi­rilməsi və şəbəkələrin genişləndirilməsi kimi əsas istiqamətləri əhatə edir. “WHEEL” çərçivəsi tərəfdaşların seçilməsindən tutmuş proqramın keyfiyyət təminatı və tamamlanma tələb­lə­rinə qədər bütün mərhələlərdə effektiv idarəetməni təmin edir. Məqalədə həmçinin İDP-lərin qarşılaşdığı çə­tinliklər, məsələn, mədəni uyğunsuzluq, təhsil sistemləri arasında fərqlər və inzibati məsuliyyət­lərin qeyri-müəy­yənliyi kimi məsələlər vurğulanır. Bu problemlərin həlli üçün tərəfdaşlar arasında aydın kom­mu­ni­ka­siya, tələbə dəstək xidmətlərinin təkmilləşdirilməsi və keyfiyyət təminatı proseslərinin davamlı monitorinqi töv­siyə olunur.

Açar sözlər: İkili diplom proqramları (İDP), ali təhsil, beynəlxalq əməkdaşlıq, “WHEEL” çərçivəsi, keyfiyyət təminatı