Ramilə Babək qızı İsmayılxanova

ÜMUMTƏHSİL MƏKTƏBLƏRİNDƏ İKT-dən İSTİFADƏNİN TƏLİMİN KEYFİYYƏTİNİN YÜKSƏLDİLMƏSİNƏ TƏSİRİ

Xülasə. Bu məqalədə müəllif bildirir ki, İKT-yə aid bütün biliklərə yiyələnməyin yolu ümumtəhsil müəs­sisələrindən başlayır. Təhsil Nazirliyi tərəfindən 2010-cu il tarixə “Təhsildə İKT ili” kimi düşmüşdür. Artıq bu sahədə müxtəlif təmayüllü konfranslar, seminarlar, stimullaşdırıcı aksiyalar, müsabiqələr keçiril­miş­dir. Məktəblərin böyük bir hissəsi ağıllı lövhə, noutbuk və kompüterlərlə təchiz olunmuşdur. Müəllif bildirir ki, müəllimlərin fikrincə İKT-dən istifadə şəraitində təlim prosesinin əsas mərkəzi fiquru şagirddir. Bu pro­sesin digər iştirakçısı isə fasilitator “bələdçi” rolunu oynayan şagirdlərin əsas məsləhətçisi, onların biliyini, qa­biliyyətini qiymətləndirən, daim təşəbbüskarlığa, aktiv olmağa, müstəqilliyə təşviq edən müəllimdir.

Müəllifin fikrincə, təhsilin keyfiyyətinə müsbət təsir göstərən fəal təlim texnologiyalarının tətbiqi müa­sir dövrün ən aktual məsələsidir. Bu baxımdan şagirdlərə müəllimlər tərəfindən daha əlverişli şərait yara­dılmalıdır.

Açar sözlər. Kompüter, noutbuk, humanistləşdirmə, demokratikləşdirmə, fasilitator, texnologiya, “ağıllı” lövhə, inteqrasiya, fərdiləşmə, diferensiallaşdırma