Sevinc Tofiq qızı Vəliyeva

ÜZEYİR HACIBƏYLİNİN HEKAYƏLƏRİ TƏRBİYƏ VASİTƏSİ KİMİ

Xülasə. Üzeyir Hacıbəyli görkəmli bəstəkar, yazıçı, dramaturq, tərcüməçi, jurnalist, ictimai xadim ki­mi səmərəli fəaliyyət göstərirdi. O, son dərəcə mənalı həyat yolu keçmiş, Azərbaycanda, eyni zamanda islam alə­mində operanın əsasını qoymuşdur. Üzeyir bəy “Leyli və Məcnun”, “Şah Abbas və Xurşid banu”, “Əsli və Kə­rəm”, “Harun və Leyla”, “Rüstəm və Söhrab”, “Koroğlu” operalarının müəllifidir.

“Leyli və Məcnun” onun ilk operası, “Koroğlu” operası isə görkəmli bəstəkarın şah əsəridir. Üzeyir bəy Hacıbəyli dəyərli ope­ra­lar­la yanaşı “O olmasın, bu olsun”, “Arşın mal alan”, “Ər və arvad” musiqili komediyalarını, bir çox səh­nə­cik­lər, felyeton, məqalə və hekayələr yazmışdır. Məqalədə Üzeyir Hacıbəylinin hekayələri tərbiyə vasitəsi ki­mi nəzərdən keçirilir.

Açar sözlər: Üzeyir Hacıbəyli, satirik hekayələr, tərbiyə, tərbiyə məsələləri, bədii yaradıcılıq