Sona İbrahim qızı Əliyeva

KİÇİKYAŞLI MƏKTƏBLİLƏRDƏ TƏFƏKKÜRÜN TƏNQİDİLİYİNİ MÜƏYYƏN ETMƏYƏ İMKAN VERƏN KEYFİYYƏTLƏR

Xülasə. Təlim-tərbiyə, təhsil sistemi gənc nəsildə tənqidi təfəkkürü inkişaf etdirə və yaxud müvafiq vər­dişlər formalaşdıra bilər. Lakin fərdin tənqidi təfəkküründən istifadə etməsi, yəni o vərdişləri gündəlik hə­y­atında gerçəkləşdirə bilməsi və yaxud istifadə etməsi artıq mövcud sosial şəraitdən, tənqidi təfəkkürə olan mü­nasibətdən asılıdır. Ona görə gənc nəsildə tənqidi təfəkkürün inkişaf etdirilməsi ilk növbədə tənqidi təfəkkürün gerçəkləşdirilməsi üçün zəruri olan demokratik sosial şəraitdən və ya tənqidi təfəkkürə olan sosial tələbatdan asılıdır.

Təfəkkürün tənqidilik xüsusiyyətinin inkişafı təhsil sistemində mövcud olan təhsil, inkişaf və tərbiyə taksonları ilə şərtlənir. Təlim tərbiyə prosesi vasitəsilə yaradılan sosial inkişaf şəraitinin olması məktəblilərdə tə­fək­kürün tənqidilik xüsusiyyətinin inkişafı üçün münbit mühitdir. İnteraktiv şəraiti biz təfəkkürün tən­qidilik xüsusiyyətinin inkişafı üçün daha münbit sosial şərait hesab edirik.

Açar sözlər: təfəkkürün tənqidiliyi, inkişaf, müqayisə, məntiqi mühakimə, eksperiment