Mələk Feruz qızı Kərimova, Nigar Rəhim qızı Hüseynova
BİRİNCİ KURS TƏLƏBƏLƏRİNİN UNİVERSİTET HƏYATINA UYĞUNLAŞMA PROSESİNDƏ PSİXOSOSİAL AMİLLƏRİN TƏHLİLİ
Xülasə. Birinci kurs tələbələrinin ali təhsilə
başlaması onların həyatında əsas mərhələlərdən biri hesab olunur. Bu dövrdə tələbələrin
bir qismi yeni mühitə tez uyğunlaşsa da, digərləri emosional gərginlik,
psixosomatik əlamətlər və sosial təcrid kimi çətinliklər yaşayırlar. Bəzi tələbələrin
adaptasiyalarının uğursuz olması onların təhsillərini yarımçıq qoymalarına səbəb
olur. Bu isə tələbənin universitetə qarşı mənfi fikirlərinin formalaşmasına,
ailə münasibətlərinin zəifləməsinə, karyera uğursuzluqlarına gətirib çıxara bilər.
Məqalənin məqsədi, universitet həyatına uyğunlaşma prosesinə təsir edən
psixososial amilləri – cinsiyyət, sosial dəstək, maddi vəziyyət, motivasiya, ev
həsrəti və fərdi xüsusiyyətləri-nəzəri çərçivədə təhlil etmək və bu sahədə
profilaktik yanaşmalar üçün elmi əsasları müəyyənləşdirməkdir.
Açar sözlər: birinci kurs tələbələri,
universitetə uyğunlaşma, sosial dəstək, psixoloji simptomlar.
