Aygün Kərim qızı Kərimov-Həmzəyeva

NİZAMİ GƏNCƏVİ YARADICILIĞINDA AZAD QADIN SURƏTLƏRİ

Xülasə. Dahi Azərbaycan şairi Nizami Gəncəvinin yaradıcılığı o qədər rəngarəng, o qədər şaxəlidir ki, onun yaradıcılığını müxtəlif istiqamətlərdə öyrənirlər. Nizami Gəncəvinin əsərlərində qadın qəh­rə­man­la­rın­dan yazmazdan öncə onun ümumi insan haqqındakı düşüncələrini bilmək yerinə düşər. Belə ki Nizami Gən­cə­vi öz qəhrəmanlarını -insanları yazdığı əsərlərdə müəyyən bir ideal səviyyədə görmək istəyirdi. Onun ya­ra­dıcılığında dövrün bütün zümrələrindən, yəni çobandan tutmuş, şaha qədər müxtəlif surətlər verilib. Bun­ların arasında qadın surətləri daha çoxdur. Bu surətlər həm aparıcı surətlərdir, həm də simvolik surətlərdir. Şairin “Xəmsə”sinə daxil olan üç əsərinin adı məhz qadın adları ilə bağlıdır.

Açar sözlər: Nizami, azad qadın, əsər, surət, islam dini, humanistlik, demokratiya, müsəlman qadın