Xurşud Cəlil qızı İsmayılova, Könül Tariyel qızı İbrahimova

Xülasə. Məqalədə Bəxtiyar Vahabzadənin yubileyi kontekstində onun yaradıcılığının tərbiyəvi aspektləri geniş təhlil olunur. Məqsəd, böyük şairin irsini mənəvi-tərbiyəvi dəyərlər fonunda təqdim etmək və onun əsərlərinin bu günün gəncləri üçün necə aktual olduğunu göstərməkdir. Qeyd olunur ki, müasir Azərbaycan ədəbiyyatının görkəmli nümayəndəsi Bəxtiyar Vahabzadə qədim və zəngin ədəbi ənənələrə malik Azərbaycan ədəbiyyatı tarixində möhkəm mövqe tutub. Fəlsəfi-poetik məzmunu olan bu ustadın yaradıcılığı insanı mənəvi ucalığa səsləməkdə davamlı olaraq böyük rol oynamış, milli poeziyada və ədəbi-sosial düşüncədə vətənpərvərlik ruhunun güclənməsinə, müstəqillik ideyalarının zənginləşməsinə xidmət etmişdir. Məqalədə qeyd olunur ki, tarixi-mədəni dəyərlərə hörmət və doğma dilin saflığının qorunması Bəxtiyar Vahabzadənin fəaliyyətinin əsas istiqamətlərindən biri olmuşdur.

Açar sözlər: əsərlər, tərbiyəvi, ictimai, mənəvi, milli poeziya, ana obrazı