Qönçə Xanlar qızı Hacıyeva

ALİ MƏKTƏBLƏRİN AŞAĞI KURSLARINDA İNGİLİS DİLİNDƏ SORĞU-ƏSASLI DİL TƏDRİSİNDƏN İSTİFADƏ METODİKASI

Xülasə. Məqalədə ali məktəblərin aşağı kurslarında ingilis dilinin tədrisində sorğu-əsaslı öyrənmə (IBL – Inquiry-Based Learning) yanaşmasının metodik əsasları araşdırılır. Sorğu-əsaslı təlimin konstruktivist nə­zə­riyyəyə əsaslanan prinsipləri, tələbələrin təşəbbüskarlığını, fəal iştirakını və müstəqil düşünmə ba­ca­rıq­la­rı­nı inkişaf etdirmə potensialı nəzərdən keçirilir. Məqalədə sorğu növlərinin (strukturlaşdırılmış, nəzarət olu­nan, istiqamətləndirilmiş və sərbəst sorğu) tətbiqi imkanları, dil bacarıqlarının formalaşdırılmasında rolu və müəl­lim-tələbə qarşılıqlı fəaliyyətinin təşkili kimi məsələlərə dair praktik və nəzəri yanaşmalar təqdim olu­nur. Təhlillər göstərir ki, bu metodika tələbələrin yalnız dil biliklərini deyil, eyni zamanda kommunikativ kom­petensiyalarını və XXI əsr bacarıqlarını inkişaf etdirmək baxımından mühüm əhəmiyyətə malikdir.

Açar sözlər: sorğu-əsaslı təlim, müstəqil öyrənmə, strukturlaşdırılmış sorğu, kommunikativ kompetensiya, təlim strategiyaları