Əsmət İdris qızı İsmayılxanova

İNTERAKTİV TƏLİM PROSESİNDƏ PEDAQOJİ TEXNOLOGİYALARDAN İSTİFADƏ İMKANLARI VƏ YOLLARI

Xülasə. Müəllif bu məqalədə interaktiv təlim prosesində pedaqoji texnologiyalardan istifadə imkanları və yollarını araşdırmış və qeyd etmişdir ki, təlim prosesində pedaqoji texnologiyalar təhsilin məqsədi, məz­munu, nəticəsi kimi çıxış edir. Eyni zamanda təlim texnologiyaları elmi, ardıcıl və sistemli şəkildə tətbiq edi­lər­sə təhsilin əsas hissəsinə çevrilir. Şagirdlərin yaradıcılıq qabiliyyətlərinin formalaşmasına yardım edir. Müəl­lif qeyd edir ki, təhsil o zaman səmərəli hesab olunur ki, tədris prosesini inkişaf etdirən, təkmilləşdirən fənn müəllimlərinin bilikləri müasir tələblərə cavab vermiş olsun.     

Ümumtəhsil müəssisələrində təhsilin key­fiyyətinin yüksəldilməsi ilə bərabər tərbiyə sisteminin inkişafı da diqqət mərkəzində saxlanılmalıdır. Təh­sil sistemində milli-mənəvi dəyərlərimizə üstünlük verilməli, məktəblərdə demokratiklik bərqərar olmalı, müs­bət psixoloji mühit yaradılmalı, həm müəllimlər, həm də şagirdlər öz hüquq və vəzifələrini başa düşməlidirlər.

Açar sözlər. pedaqoji texnologiyalar, interaktiv metodlar, layihələr metodu, şagird çantası, demokratiklik, keyfiyyət, diferensiallaşma