Nabat Natiq qızı Əhmədova

ŞAGİRDLƏRİN ÖYRƏNMƏ FƏALİYYƏTİNİN İNKİŞAFINDA MƏKTƏB MÜHİTİNİN ROLU

Xülasə. Qloballaşan dünyada cəmiyyətdə, insan fəaliyyətində, münasibətlərində, yaşam tərzində, təlim-tərbiyə təsisatlarında sürətli dəyişikliklər baş verməkdədir. Bütün bu proseslər öyrənmə fəaliyyətinə yeni yanaşmalar və tələbatlarla müşayiət olunur. Bununla əlaqədar olaraq təhsilin məzmununa yeni yanaş­ma­lar, müasir təlim metod və texnologiyaları, öyrənmə motivasiyası kimi məsələlər araşdırılır, tədqiqat nə­ti­cə­lə­ri gündəmə gəlir. Cəmiyyətdə baş verən köklü dəyişikliklərin mərkəzində təhsil və ona münasibət da­ya­nır. Məhz motivasiya insanı qarşısına qoyduğu məqsədə çatmağa təhrik edir. Bundan başqa, insanın istə­nilən uğur­larının səbəbi təkcə onun bilik və bacarığından asılı deyil, bu, həm də şəxs və onun motivlərindən asılı­dır. Motivə olunmamış insan, bir iş görməkdə tənbəllik edir, qarşısına qoyduğu məqsədə çox vaxt çata bil­mir. Fikrimizcə, insanın motivasiyası nə qədər güclü olarsa, onun fəaliyyəti də bir o qədər uğurlu alınar. Hər cür müəllim-şagird münasibətləri motivasiya sayəsində daha uğurlu alınır. Müəllim şagirdlərə təsir et­mə­sə onlar təlimdə fəal olmaz, müsbət motivlər yaranmaz, məktəbli qarşısına uğurlu öyrənmə hədəfi qoya bil­məz. Mo­tivlərin öyrənilməsi məsələsi kifayət qədər çətin təcrübi tapşırıqdır. Əgər təhsil və təlimin key­fiyyətini yük­səltmək istəyiriksə, onda bu problemin həlli vacibdir.

Açar sözlər: məktəb mühiti, tərbiyə, inkişaf, motivasiya, müəllim-şagird