Fəxriyyə Imran qızı Zahidova

XARİCİ DİLLƏRİN TƏDRİSİNİN AKTUAL PROBLEMLƏRİ

Xülasə. Məqalə müasir dövrdə xarici dillərin, xüsusilə ingilis dilinin öyrənilməsinin aktuallığını və təd­risində qarşıya çıxan əsas problemləri araşdırır. Məqalədə dil öyrənilməsinin şəxsi inkişaf, peşəkar fəa­liy­yət və qlobal əməkdaşlıq baxımından əhəmiyyəti vurğulanır. İngilis dilinin tədrisində qarşılıqlı ünsiyyət və kommunikasiya əsas rol oynayır, çünki dil mənimsənilməsi sinif daxilində aktiv qarşılıqlı fəaliyyət və mə­na­nın müzakirəsi yolu ilə həyata keçirilir. Məqalədə həmçinin uşaqlarda erkən yaşdan dil öyrənmənin üstün­lük­ləri, psixoloji baryerlər və məktəb proqramlarının mürəkkəbliyi kimi çətinliklər qeyd olunur. Ali məktəb səviyyəsində isə tələbələrin peşəkar terminologiya və mədəni kontekstə uyğun kommunikasiya bacarıqlarını inkişaf etdirməsi vacib hesab olunur. Məqalə göstərir ki, qrammatik biliklər, söz ehtiyatı, qarşılıqlı ünsiyyət və kontekstual anlayışların inteqrasiyası xarici dil tədrisinin effektivliyi üçün əsas şərtlərdir.

Açar sözlər: xarici dilin tədrisi, qarşılıqlı ünsiyyət, pedaqoji metodika, dil bacarıqları, tapşırığa əsaslanan tədris