Təranə Mayıl qızı Əkbəri

İBTİDAİ SİNİFLƏRDƏ HƏYAT BİLGİSİ DƏRSLƏRİNDƏ LAYİHƏ ƏSASLI ÖYRƏNMƏNİN TƏTBİQİ

Xülasə. Məqalədə ibtidai siniflərdə Həyat bilgisi fənnində layihə əsaslı öyrənmənin (PBL) tətbiq imkanları araşdırılır. Tədqiqat PBL-in kurikulum məqsədlərinə uyğun şəkildə şagirdlərin tənqidi təfəkkür, əmək­daşlıq, müstəqil öyrənmə və real həyati problemləri həll etmə bacarıqlarına təsirini nəzərdən keçirir. Məqalədə “Mənim ailəm”, “Sağlam qidalanma” və “Təbiəti qoruyaq” kimi nümunəvi layihələr əsasında şagird­­lərin dərsə inteqrasiyası və dərin öyrənməyə yönəldilməsi izah olunur. Nəticələr göstərir ki, PBL mo­deli Həyat bilgisi dərslərinin məqsədlərinə çatmaqda effektiv alət ola bilər.

Açar sözlər: Layihə əsaslı öyrənmə, Həyat bilgisi, ibtidai təhsil, kurikulum, fəal öyrənmə, şagirdyönümlü təlim