Şərafət Baxışova

MƏKTƏBƏQƏDƏR PEDAQOGİKANIN AKTUAL PROBLEMLƏRİ

Xülasə. Məktəbəqədər pedaqogika zəngin inkişaf tarixinə malikdir: 20-ci əsrdə çoxlu fundamental və tətbiqi problemlər öyrənilmiş, tədqiq edilmişdir. Çoxsaylı nəzəri, eksperimental və tətbiqi tədqiqatlar mək­tə­bə­qədər pedaqogikanın nəzəri əsaslarını formalaşdırmağa, məktəbəqədər yaşlı uşaqların tərbiyəsi və inki­şa­fının öyrənilməsi metod və texnologiyalarını əsaslandırmağa imkan vermişdir. Bununla belə, hələ də bir sıra aktual problemlər və tədqiqat üçün perspektivli istiqamətlər mövcuddur. Onların yaranmasının əsas səbəbləri əsa­sən ictimai həyatın siyasi, iqtisadi və digər sahələrində baş verən dəyişikliklərdir. Yeni sosial-iqtisadi şəraitə keçid məktəbəqədər təhsil sisteminə yeni baxışı, uşaqlıq dövrünün xüsusiyyətlərini və uşağın sosial mü­nasibətlər sistemindəki mövqeyini əhəmiyyətli dərəcədə dəyişdirir.

Məktəbəqədər pedaqogikanın inkişafı uşaqların təlim və tərbiyəsi üçün yeni texnologiyaların, müasir həyat şəraiti üçün məqbul olan və məktəbəqədər təhsil təcrübəsini zənginləşdirə bilən konsepsiyaların daha da inkişaf etdirilməsi zərurətini tələb edir.

Açar sözlər: Məktəbəqədər pedaqogika, perspektiv istiqamətlər, prioritetlər, inkişaf, məktəbəqədər təhsil, səriştəlilik.