Adilə Nəzərova
NƏSİMİNİN FƏLSƏFİ GÖRÜŞLƏRİNİN ŞƏXSİYYƏTİN FORMALAŞMASINA TƏSİRİ
Xülasə. Nəsiminin şeirlərində sözlərin təsir gücü
yüksəkdir, inandırıcıdır. Bu cür ifadə forması şairin yaradıcılığının bədii
zirvəsi, həm də ədəbi şəxsiyyətinin mahiyyətidir. Nəsimi bütün şeirlərində cəsarətlidir,
bütövlükdə yaradıcılığını əhatə edən əxlaq, mərdlik, şərəf, ləyaqət, həqiqət, ədalət,
özünəinam anlayışları Nəsimi şəxsiyyətinin mahiyyətini ifadə edir. Əsarətə,
mütiliyə, yalana qarşı gələn şair şagirdlərə öz əqidəsi yolunda şərəf və ləyaqətini
qorumağı öyrədir. Ümumtəhsil məktəblərində Nəsimi poeziyasının tədrisi müasir gəncliyin
şəxsiyyətinin formalaşmasında olduqca böyük rol oynayır.
Açar sözlər: şəxsiyyətin formalaşması, özünü tərbiyə, inam, anlayış, təhsil, qəzəl
