Xəyalə Ələsgərova

AZƏRBAYCAN VƏ İNGİLİS DİLLƏRİNDƏ KƏMİYYƏT KATEQORİYASININ İFADƏ VASİTƏLƏRİNİN MÜQAYİSƏLİ TƏHLİLİ

Xülasə. Azərbaycan və ingilis dillərində kəmiyyət kateqoriyası ümumi qrammatik kateqoriyalardan biri olmaqla geniş əhatə dairəsinə malikdir. Kəmiyyət təklə cəmin mövcudluğu əsasında reallaşır. Kəmiyyət kateqoriyasının ümumi məzmunu, mahiyyəti bütün dillərdə eynidir. Lakin kəmiyyətin ifadə vasitələri, ifadə tərzi bütün dillər üçün tam şəkildə eyni deyil, hər bir dildə ümumi ifadə vasitələrindən başqa özünəməxsus formalar olur. Kəmiyyət anlayışı insanın ilk həyati təsəvvüründə bəsit, sadə olmuşdur. Sonralar insanın həyati təsəvvürlərinin inkişafı ilə bağlı olaraq kəmiyyət anlayışı dəyişmiş, inkişaf etmişdir. İnkişaf nəticəsində kəmiyyət anlayışında mürəkkəb, mücərrəd mənalar yaranmışdır. Mürəkkəb, mücərrəd mənalar tək və cəm kəmiyyət sisteminin inkişaf mərhələsində özünü göstərmişdir.

Açar sözlər: azərbaycan dili, ingilis dili, kəmiyyət, müqayisə, təhlil, isimlər, tək, cəm, topluluq.