Püstəxanım Balayeva

Xülasə. Bu gün biz artıq informasiya cəmiyyətinin üzvləri sayılırıq. İnformasiya cəmiyyətinin xa­rak­terik xüsusiyyəti informasiya texnologiyalarının insan həyatının bütün sahələrinə nüfuz etməsi, informasiya sə­nayesi və biliklərin intensiv inkişaf etməsidir. Bu, İKT-nin inkişafı nəticəsində formalaşan yeni tip cə­miy­yətdir, buna biliklər cəmiyyəti də deyilir. Burada insanın rifahının əsas şərti bilik, informasiya və onların sə­mə­rəli tətbiqidir. Bu cəmiyyət zaman, məkan və siyasi sərhədləri aşaraq informasiya mübadiləsinə imkan ve­rir. Bu cəmiyyətdə həyat keyfiyyətinin bütün parametrlər üzrə yüksəlməsi üçün elmə əsaslanan mühüm icti­mai qərarlar qəbul edilir. İnformasiya cəmiyyəti müxtəlif mədəniyyətlərin qarşılıqlı əlaqəsinə, hər bir top­lu­mun özünütəsdiqinə də imkan verir. Kapital və işçi qüvvəsindən əlavə, bilik də istehsalın əsas amilinə çe­v­ri­lir. Müasir şəbəkə texnologiyaları iqtisadiyyatın strukturunu dəyişməklə bərabər, zaman və məkan an­la­yış­la­rı­na yeni məna verir. Təhsilin statusu daha da yüksəlir. Təhsil sisteminin vəzifəsi iqtisadiyyatın inkişafını sti­mul­laşdırmaq, cəmiyyətin və əmək bazarının sürətlə dəyişən tələblərinə uyğun olaraq mütəxəssis hazırlığını təmin etməkdir.

Açar sözlər: mütəxəssis hazırlığı, təhsil, inkişaf, cəmiyyət, pedaqoji yanaşmalar