Xoşqədəm İbrahimova, Lamiyə Həmzəyeva

Xülasə. Müəllim tərəfindən verilən tapşırıqların yerinə yetirilməsi məhz məntiqi təfəkkürün hesabına baş verir. Tənqidi təfəkkürü lazımi səviyyədə formalaşmış şagird hər bir fakt və hadisəni olduğu kimi gör­mək­dən əlavə, ona hərtərəfli yanaşa, təhlil edə, qərar verə, əsaslandırılmış münasibət ifadə edə bilər. Dərs pro­sesində müəllim mövzu ilə əlaqədar elə tapşırıqlar qoymalıdır ki, şagirdlər mətni oxuduqdan sonra onun məz­mununu düzgün başa düşsünlər, xatırlasınlar və əldə etdikləri bilikləri ümumiləşdirə bilsinlər. Müəllim sual və tapşırıqlar verməklə şagirdlərin təfəkkürünü inkişaf etdirir, yaddaşları möhkəmləndirir.

Açar sözlər: məntiqi təfəkkür, tənqidi təfəkkür, yaradıcı təfəkkür, məntiqi tapşırıqlar, tənqidi tapşırıqlar, yaradıcı tapşırıqlar, bilik, bacarıq, vərdişlər, təlim