Cavahir Maçanova

LAYİHƏ ƏSASLI ÖYRƏNMƏNİN XARİCİ DİL DƏRSLƏRİNƏ TƏTBİQİNİN ÜSTÜNLÜKLƏRİ

Xülasə. Layihə metodu, şagirdyönlü metod olub, onların ehtiyac və qabiliyyətinə diqqət yetirilməsi zərurətini nəzərdə tutur. Bu öyrənmə üsulu əməkdaşlıq və fəal iştirakı prinsiplərinə əsaslanır. Xarici dilin tədrisində layihə metodundan istifadə şagirdlərə xarici dildən idrak vasitəsi, öz fikirlərini ifadə etmək, başqa insanların fikirlərini qavramaq və anlamaq üsulu kimi istifadə etməyə imkan verir. Bu, tələbələrin diqqətini ifadə formasından məzmuna yönəltmək və ətraf aləmi xarici dil vasitəsilə biliyə daxil etmək, beləliklə, sosial-mədəni səriştənin əhatə dairəsini genişləndirmək üçün ən səmərəli üsuldur.

Açar sözlər: layihə metodu, xarici dil, şagird, təcrübə, tapşırıq, psixologiya, pedaqogika, tədqiqat, fərziyyə, müəllim.