Əliyənnağı Məhərrəmov, Aygül Mürsəlova

Xülasə. Məqalədə əsaslandırılır ki, gənc nəslin min illər ərzində öz xalqının, bəşəriyyətin əldə etdiyi elmi-mənəvi sərvətlərə yiyələnməsi, onun hərtərəfli və ahəngdar inkişafı, kamil vətəndaş kimi tərbiyə edil­mə­sində təlimin imkanları genişdir. Göstərilir ki, biologiya təlimi prosesində şagirdlər yalnız bioloji bilik­lər­lə silahlanmır, həm də onların psixi proseslərin, sensor fəaliyyət sahəsinin, iradi emosional proseslərinin in­ki­şaf etdirilməsinə, habelə onların dünyagörüşü və əqidəsinin, mənəvi keyfiyyətlərinin, estetik və fiziki qa­bi­liy­yətlərinin, əməyə, təbiətə insanlara vicdanlı münasibətlərin formalaşmasına geniş imkanlar yaranır.

Əsərdə xüsusilə göstərilir ki, biologiya dərslərində təlimin təhsilverici, tərbiyəedici və inkişafetdirici vəzi­fələri vəhdətdə həyata keçirilməlidir. Tədqiqatın əsası kimi göstərilir ki, tipindən, quruluşundan asılı olma­yaraq hər bir dərs faydalı bilik vermək, tədris bacarıqları formalaşdırmaqla yanaşı tərbiyəvi xarakter daşı­malıdır.

Açar sözlər: təhsilverici, inkişafetdirici, tərbiyəedici, dünyagörüşü, təlim, təfəkkür, psixoloji əsasları, bacarıq