Xavərxanım Bakıxanova

Xülasə. Sosio-emosional öyrənmə psixologiya elminin nəzəriyyə və təcrübəsində tədqiqatın ən mühüm sahələrindən birinə çevrilmişdir. Sosio-emosional öyrənmənin araşdırılmasına başlanılmasından az müddət keçməsinə baxmayaraq, nəzəri və tətbiqi tədqiqat sahələrində xeyli təcrübə toplanmış və məlum olmuşdur ki, sosio-emosional öyrənmə emosional intellektin inkişafına birbaşa təsir göstərir. Araşdırmalar sübut edir ki, İQ səviyyəsindən asılı olmayaraq təhsilalanlarda emosional intellektin inkişafına lazımi qədər vaxt ayrılmadığı üçün təhsilalanlar gələcəkdə ciddi uğursuzluqlarla üzləşirlər. Emosional intellektin inki­şafını dəstəkləyən ən əlverişli layihə isə sosio-emosional öyrənmədir. Təəssüflər olsun ki, sosio-emosional öyrənmənin tədqiqinə yönəlmiş müəyyən qədər tədqiqatlar həsr olunsa da hələ ki, kifayət edəcək qədər deyildir. Lakin emosional intellektin inkişafına olan tələbat və sosio-emosional öyrənmənin bir çox ölkələrin təhsil siyasətində dəstəklənməsi qısa zamanda bu layihə barədə geniş tədqiqatlar aparılmasına və uğurlu nəticələrə nail olunmasına gətirib çıxarmışdır. Psixoloqlar tərəfindən aparılan işlər göstərir ki, ölkədə bu istiqamətdə görüləcək işləri sürətləndirmək üçün böyük potensial var. Xüsusilə söhbət məktəbəqədər təhsil müəssisələri, orta məktəblər və ali təhsil müəssisələrinin fəaliyyətindən gedir.

Açar sözlər: emosional intellekt, sosio-emosional öyrənmə, iş, təhsil, intellekt