Əsmət İsmayılxanova

ÜMUMTƏHSİL MƏKTƏBLƏRİNDƏ TƏHSİLİN İDARƏ OLUNMASININ BƏZİ PROBLEMLƏRİ

Xülasə. Məqalədə ümumtəhsil məktəblərində təhsilin idarə olunmasının mühüm problemlərindən bəhs edilir. Müəllif qeyd edir ki, dünya təhsil sisteminə inteqrasiya ərəfəsində Azərbaycan təhsilinin idarə olun­ma­sında çox mühüm problemlər meydana çıxmışdır ki, bu problemlər çətin olsa da tez bir zamanda həll olun­malıdır. Bunların bir qismi ənənəvi təhsil vaxtından yığılaraq qalmış, digər problemlər isə Təhsil İslahatı Proq­ramının qoyduğu tələblər sahəsində yaranmışdır.

Təhsilimizin bu günkü məzmunu istənilən peşələrdə insanların dünyagörüşünün düzgün for­ma­laş­ma­sı­na ciddi maneə törədir, onların savadlı mütəxəssis kimi yetişməsini tamamilə məhdudlaşdırır. Ənənəvi təh­sil­dən donub qalan təhsil formaları, təhsil strukturları, idrakla real həyat, attestat və diplomla biliklərin real və­ziyyəti, elmi-pedaqoji fəaliyyətdə hökmran olan mühafizəkarlıq qarşıdurma yaratmışdır.    Müəllifin fik­rincə, tarixi keçmişimizə sağlam təfəkkürlə nəzər salmalı, inkişaf etmiş Avropa ölkələrinin təhsil sis­te­mi­nin idarə edilməsindəki mühüm cəhətləri dərindən öyrənməli və təhsilimizin yeniləşməsində idarəetmə sa­hə­sin­də daha səmərəli strukturları müəyyən etməliyik. Ölkəmizin təhsil sisteminin idarə olunması strukturu ümum­bəşəri dəyərlərə, milli zəminə, türk dünyasından və islam dinindən gələn mənəvi-əxlaqi keyfiyyətlərə əsas­lanmalıdır.

Açar sözlər: inteqrasiya, Təhsil İslahatı Proqramı, mühafizəkarlıq, ümumbəşəri dəyərlər, demokratiya, inzibati amirlik, lisey, gimnaziya, çoxvariantlılıq