Xoşqədəm İbrahimova

Xülasə. Məqalə orta məktəblərdə biologiyanın tədrisi zamanı şagirdlərə fitoterapevtik biliklərin öy­rə­dil­məsi imkanlarına həsr edilmişdir. Problemin həlli imkanları dərsliklərdə və elmi-metodiki ədəbiyyatda araş­dırılmışdır. Dərsliklərin təhlilindən belə qənaətə gəlinir ki, 7, 8-ci sinif dərsliklərində xəstəliklərin müalicəsində və profilaktikasında dərman bitkilərinin böyük əhəmiyyəti vardır. Belə məzmunlu bir çox möv­zu­lar dərsliklərdə öz əksini tapmışdır. Fənn kurikulumunun standartlarının həyata keçirilməsinə uyğun olaraq şa­girdlərə fitoterapevtik biliklərin öyrədilməsinə imkan verən mövzular müəyyən edilmişdir.

Lakin problemlə bağlı mövzuların sayını artırmaq, xüsusən də 9-11-ci sinif dərsliklərinə belə möv­zu­la­rı daxil etmək olar. Elmi-metodiki ədəbiyyatın təhlilindən məlum oldu ki, problemin həlli istiqamətində təd­qi­qatlar tam aparılmayıb, bu sahədə araşdırmalar azdır. Müəllimlərə problemlərin həllində metodik kömək üçün əsərlərin yazılması vacib məsələlərdən biridir.