Lalə Qabil qızı Şəfiyeva

Xülasə. İdarəetmənin əsasını elmi biliklər sistemi təşkil edir. Elmi biliklər idarəetmənin nəzəri əsasını təş­kil edir. Sinfin səmərəli idarə edilməsi müəllimin qarşısında duran önəmli vəzifələrdən biridir. Sinfin idarə edil­məsi, təhsil proqramı və planı, tədris metodu, təhsil fəaliyyəti, texnologiya, zaman, məkan, müəllim və şa­gird arasında effektiv koordinasiyanı təmin etməklə öyrənmə üçün əlverişli mühit və nizam yaratmaqdır. Mək­təbdə idarəetmənin bir növünə də sinfin idarə edilməsi daxildir. Sinfin idarə edilməsi sinif rəhbəri tə­rə­fin­dən həyata keçirilir. Sinif rəhbərinin vəzifəsinə illik, yarımillik və cari planları hazırlamaq, sinif jurnalının ya­zılması, şagirdlərin şəxsi işlərinin hazırlanması və saxlanması, lazım gəldikdə yenilənməsi, tabeliyindəki, si­nifdə olan şagirdlərin valideynləri ilə əlaqə saxlanması, sinif valideyn iclaslarının təşkili, şagirdlərin dərs­lə­ri və təhsili ilə yanaşı onların tərbiyəsi ilə məşğul olmaq və s. işlər daxildir.

Açar sözlər: Sinfin idarə edilməsi, motivasiya, davranış, şagird, müəllim, təhsil