Vüsalə Yaşar qızı Ağahüseynova

Xülasə. Məqalədə “Məktəblərin idarə olunmasında kouçluq strategiyalarının əhəmiyyəti” mövzusu araş­dırılıb. Təhsil sahəsində kouçluq metodlarının tətbiqinin məktəb idarəçiliyində və tədris prosesindəki müs­bət təsirlərini vurğulanıb. Həmçinin, məqalədə kouçluq strategiyalarının məktəb rəhbərləri və müəllimlər üçün liderlik və idarəetmə bacarıqlarını inkişaf etdirməklə yanaşı şagirdlərin fərdi inkişafına, təhsilin keyf­iy­yə­tinə ­necə təsir etdiyinə dair əsas fikirlər təqdim olunub.

Kouçluq metodları məktəb rəhbərlərinin daha səmərəli qərarlar qəbul etməsinə, müəllimlərin peşəkar in­kişafını dəstəkləməyə və şagirdlərə motivasiya verməyə kömək edir. Məqalədə kouçluğun tətbiqi ilə mək­təb­lərdə əməkdaşlıq mühitinin yaradılması, şagird potensialının aşkar edilməsi və müasir tədris metodlarının tət­biqi kimi məsələlərə də diqqət çəkilib. Məqalədə həmçinin kouçluq strategiyalarının məktəb idarəçiliyində qar­şılaşılacaq çətinliklər və bu çətinliklərin həlli yollarını təqdim edilib. Kouçluq metodlarının təhsil sis­te­min­də tətbiqi məktəblərin idarə olunmasında daha müasir və səmərəli yanaşmalara yol açır, təhsilin key­fiy­yə­tinin yüksəlməsinə və məktəb mühitində müsbət dəyişikliklərin baş verməsinə şərait yaradır.

Açar sözlər: kouçluq, məktəb idarəçiliyi, liderlik, təhsil keyfiyyəti, idarəetmə strategiyaları.