Nigar Ruslan qızı Nəsirova

Xülasə. Ali məktəb tələbələrinin sayı, cəmiyyətdəki mövqeyi artan iqtisadi və sosial münasibətlər sfe­ra­sında xüsusi bir yerə sahibdir. Onların fizioloji, sosioloji və psixoloji problemlərinin tədqiqi, öyrənilməsi və vaxtında profilaktik tədbirlərin tətbiqi gələcəkdə daha effektiv nəticələrə gətirib çıxara bilər. Məhz bu sə­bəb­lə qeyd edilən problem tədqiqat mövzusu olaraq seçilmişdir. Tədqiqat dünyanın müxtəlif ölkələrində təh­sil alan tələbələrin psixoloji sağlamlığında qeydə alınan problemlərə dair nəşr edilmiş elmi məqalələrin təh­li­li­nə əsaslanır. İlk növbədə qeyd edilən meyar üzrə məqalələrin araşdırılması aparılmış və təhlil edilmişdir. Top­lanmış məqalələrdə gənc tələbə kollektivlərində müxtəlif davranış pozuntuları, asılılıq yaradan mad­də­lər­dən istifadə halları, emosional sfera pozuntuları, xüsusilə depressiya və təşviş əlamətləri, eləcə də intihar ris­ki­nin qeydə alındığına rast gəlinmişdir. Müəlliflər problemlərin təhlili və profilaktikası məqsədilə müxtəlif ya­naşmalarla çıxış etmiş və tövsiyələr vermişlər.

Məqalə elmi materialların, statistik əhəmiyyətli göstəricilərin araşdırılmasına əsaslanır və bu sahədə təd­qiqat aparan şəxslər, pedaqoji heyət və müəllimlər üçün əhəmiyyət kəsb edə bilər.

Açar sözlər: tələbə qrupları, şəxsiyyət faktoru, psixoloji sağlamlıq, psixoloji pozuntu, emosional sfera pozuntuları