Xavərxanım Ağamehdi qızı Bakıxanova

SOSİO-EMOSİONAL KOMPETENSİYALAR: MÜASİR CƏMİYYƏTİN TƏLƏBLƏRİ

Xülasə. Tarixə nəzər saldıqda şahidi oluruq ki, hər bir dövrün cəmiyyətdən müəyyən gözləntiləri, tə­ləb­ləri mövcuddur. Günü-gündən müasirləşən, elm və texnologiyanın sürətlə inkişaf etdiyi dövrdə təəccüblü hal­dır ki, emosional amillərə tələbat artmışdır. Araşdırmalar nəticəsində məlum olmuşdur ki, hsosio-emo­sio­nal kompetensiyaların diqqətə alınmaması ciddi problemlərlə nəticələnir.

Sosio-emosional kompetensiyalar dedikdə, əsasən insanların emosiya və hislərini tanımaq, idarə et­mək, digərləri ilə münasibətlər yaratmaq, empatiya bacarığını inkişaf etdirmək və s. kimi amillər nəzərdə tu­tu­lur. Qeyd etsək yanılmarıq ki, bu bacarıqlar müasir dövrümüzdə istənilən sferada vacib rol oynayır. Mü­şa­hi­dələr zamanı məlum olmuşdur ki, sosio-emosional kompetensiyalar təkcə insanların şəxsi inkişafında müs­bət rol oynamır. Eyni zamanda cəmiyyətin inkişafında da əhəmiyyətli fərqlər öz əksini tapır. Bu kimi nüans­lar son dövrlərdə sosio-emosional kompetensiyalara qarşı marağı artırmışdır. Günü-gündə müasirləşən cə­miy­yətimiz sosio-emosional kompetensiyalardan əsas tələbi müasir dövrün tələbələrinə cavab verən müxtəlif ba­carıqlardır. Bu bacarıqlar vasitəsilə insanlar şəxsi, sosial və peşə inkişafına asanlıqla yatırım edə bilsinlər. Bu­nlara emosional intellekt, empatiya, ünsiyyət, problemlərin həlli və qərar vermə, stressi idarəetmə və s. kimi bacarıqları nümunə göstərə bilərik.

Açar sözlər: müasir, sosio – emosional kompetensiyalar, sosio-emosional öyrənmə, təhsil, inkişaf