Kəmalə Quliyeva, Nərgiz Muxtarlı, Aydan Şəkixanlı

Xülasə. İxtisas seçiminin uğurlu olduğunu əks etdirən əsas göstəricilərdən biri də tələbələrin moti­va­si­ya­sıdır. Ali təhsil müəssisələrində təhsil alan tələbələrin motivasiya səviyyəsinə müsbət və ya mənfi şəkildə təsir edən bir çox amillər var. Bu məqalədə müəllimlik ixtisası üzrə oxuyan 106 bakalavr tələbəsinin iştirak etdiyi sorğuda onların peşə motivasiyasına təsir edən faktorlar araşdırılıb. Tələbələrin ixtisas seçimi, karyera, təh­silin keyfiyyəti, müəllimlərin peşəkarlığı haqqında məlumat toplamaq məqsədilə verilən suallar əsasında Azər­baycanda pedaqoji ixtisaslar üzrə bakalavr təhsili alan tələbələrin ixtisas motivasiyası və gələcəklə bağlı planları araşdırılıb. Respondentlərin cavablarına əsasən bu qənaətə gələ bilərik: 1) tədrisin keyfiyyəti; 2) müəssisə imkanları və pedaqoji təcrübənin keyfiyyəti; 3) yerli stereotip və iş tələbləri tələbələrin peşə moti­vasiyasına ciddi şəkildə təsir göstərir.

Açar sözlər: müəllim, tələbə, motivasiya, ixtisas seçimi, karyera, təhsilin keyfiyyəti.